வெளிநாடுகளுக்கு வேலைக்கு செல்லும் ஆண்களின் எண்ணிக்கை கடந்த வருடத்தில் 21.4 வீதமாக அதிகரித்துள்ளதாக இலங்கை மத்திய வங்கியின் அறிக்கையில் தெரிவிக்கப்பட்டுள்ளது.
அத்துடன் வெளிநாடுகளுக்கு தொழில் பெற்று செல்லும் பெண்களின் எண்ணிக்கை 14.6 வீதத்தினால் குறைவடைந்துள்ளது. வருடாந்தம் 40.6 வீதமானவர்கள் வெளிநாடுகளுக்கு தொழில் வாய்ப்பை பெற்று செல்கின்றனர்.
சமூகத்தில் ஏற்படும் பிரச்சினைகளை தவிர்க்க அரசாங்கம் மேற்கொண்ட நடவடிக்கையின் பலனாக வீட்டுப் பணிப் பெண்களாக வெளிநாடுகளுக்கு செல்லும் பெண்களின் எண்ணிக்கை குறைந்துள்ளது.
5 வயதுக்கும் குறைவான வயதுடைய பிள்ளைகள் இருக்கும் பெண்கள் வெளிநாட்டுக்கு செல்வதை தவிர்த்து கொண்டமையும் இதற்கு ஒரு காரணமாகும்.
2012 ஆம் ஆண்டு 42.1 வீதமான பெண்கள் வெளிநாடுகளுக்கு வீட்டுப் பெண்களாக சென்றிருந்தனர். இந்த எண்ணிக்கை கடந்த வருடம் 33.1 வீதமாக வீழ்ச்சியடைந்துள்ளது.
98 வீதமான பெண்கள் மத்திய கிழக்கு நாடுகளுக்கே சென்றுள்ளதுடன் அவர்களில் 71 வீதமானவர்கள் சவூதி அரேபியாவுக்கு சென்றுள்ளனர்.
