பிரித்தானியாவின் முன்னாள் பிரதமர் Sir Edward Heath, தனக்கு பாலியல் தொல்லை தந்தவர் என ஒருவர் குற்றம்சாட்டியுள்ளது பரபரப்பை எற்படுத்தியுள்ளது. இது தொடர்பில் பெயர் குறிப்பிட விரும்பாத அந்த நபர்
கூறுகையில், அப்போது தன்னை அழைத்து சென்றவர் Sir Edward Heath தான் என்பதை அறியவில்லை என்றும், முன்னாள் பிரதமர்
Margaret Thatcher உடன்
அவர் இருக்கும் புகைப்படத்தை வைத்தே அடையாளம் கண்டு கொண்டதாகவும் அவர் தெரிவித்துள்ளார். இதுகுறித்து சம்பவம் நடைபெற்ற இரண்டு மாதத்தில் புகார் தெரிவித்தும், எவரும் அதை ஒப்புக்கொள்ளவில்லை என்றும், தான் பொய் கூறுவதாகவும் அவர்கள் தெரிவித்தாக
குறிப்பிட்டுள்ளார்
மேலும், சம்பவம் நடந்தபோது தனக்கு வயது 12 இருக்கும் எனவும், அது 1961ம் ஆண்டு நடந்த சம்பவம் என தெரிவித்த அவர்,
வீட்டை விட்டு வெளியேறி வந்த காலக்கட்டத்தில் தான் தன்னை ஒரு தெரு வீதியில் வைத்து Sir Edward
Heath தமது காரில் அழைத்து சென்றதாகவும் தெரிவித்துள்ளார். இந்நிலையில் முன்னாள் பிரதமர் மீதான பாலியல் குற்றச்சாட்டு குறித்து Scotland Yard அதிகாரிகள் விசாரணையை தொடங்கியுள்ளதாக தகவல்கள் வெளியாகியுள்ளது.
சிறுவனுக்கு பாலியல் தொல்லை தந்ததாக குற்றம் சுமத்தப்பட்டிருக்கும் Sir Edward Heath கடந்த 2005ம் ஆண்டு காலமானார் என்பது
குறிப்பிடத்தக்கது.
